De „Heimatfreunde Emmelkamp en drümto“ hebbt ’ne nije Bijlder-Utstellung tohoapestäilt. Up 350 Bijlder is to seen, wo de Burenlöö froger warkt hebbt en wo et vandage soa togeet. Anhaund van de Bijlder kann man dütlik seen, wo stark sick dat Wark bij de Buren veannert heff, van de frogeren Joaren, as noch dat Wark met de Haunde de Regel was, bis to vandage, woar dat meeste Wark van de Meschinen doan wodd.
De Utstellung is boawen up’n Balken ien’t Huus Ringerbrüggen ien Emmelkamp to bekieken, söindaangs snoamiddaangs van dree bis half sesse. De Tieden: an’n 14., 21. en 28. April, an’n 5., 12. en 26 Mäi en dann wieter ait an’n lesten Söindag ien de Moand, soa an’n 30. Juni, 28. Juli, 25. August, 29. September, 27. Oktober en at denn Wienachtsmarkt ien Emmelkamp is, an’n Soaterdag, 30. November en Söindag denn 1. Dezember. Buten disse Tieden föar Gruppen ock up Anfroage bij Albert Rötterink, Tel. 05943 4585 of bij Renate Kuipers, Tel. 05943 1426.
Et loant sick de Utstellung to bekieken.
